2017-ci ilin yanvar-mart aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə real ifadədə 0,1 faiz artaraq 190,2 milyon manat olmuşdur. Dövriyyənin 39,2 faizi hüquqi şəxs statuslu müəssisələrin, 60,8 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyənin həcmi 2016-cı ilin yanvar-mart ayları ilə müqayisədə 9,8 faiz artaraq 74,5 milyon manat təşkil etmişdir.